АНУ-ын Ерөнхийлөгч Дональд Трамп Иран улстай хэлэлцээр байгуулахад тун ойрхон байна гэж хэдийнэ 37 удаа мэдэгджээ. Энэхүү сонирхолтой тооцоог CNN телеканал танилцуулсан байна.
“Тэрээр үүнийг хамгийн багадаа 37 удаа хийсэн. Трамп олон нийтийн сүлжээн дэх нийтлэл, олон нийтийн өмнө хэлсэн үг болон хэвлэл мэдээллийнхэнтэй утсаар ярихдаа хэлэлцээр байгуулахад ойрхон байгааг шууд мэдэгдсэн эсвэл Иран үүнийг маш их хүсэж байна гэж баталсан тоо нь яг ийм байна” гэж тус суваг мэдээлэв.
CNN-ийн сануулснаар, энэхүү санаа анх 3 дугаар сарын 23-нд цуурайтсан байна. Трамп хамгийн сүүлд 6 дугаар сарын 8-ны өдөр ийм мэдэгдэл хийхдээ Вашингтон, Тегеран хоёр “ирэх хоёр долоо хоногийн дотор хэлэлцээр байгуулна” гэдэгт итгэлтэй байгаагаа илэрхийлжээ.
“Трамп үүнийг үргэлжлүүлэн ярьсаар байгаа нь магадгүй тэр өөрөө төөрөгдөлд орсон, эсвэл санхүүгийн зах зээлийг тайвшруулахыг хичээж байгаа, эсвэл энэ зорилгоо биелүүлж чадна гэж үзэж буйтай холбоотой. Гэвч энэхүү мэдэгдлийг дахин нухацтай авч үзэх шаардлагагүй гэдэг нь тодорхой байна” гэж CNN үзэж байна.
АНУ болон Ираны мөргөлдөөний хронологи
Хоёр улсын хооронд үүсээд буй нөхцөл байдлыг эргэн сануулбал:
- 2-р сарын 28: АНУ болон Израиль улс Ираны эсрэг цэргийн ажиллагаа эхлүүлсэн.
- 4-р сарын 7: Америкийн ерөнхийлөгч Дональд Трамп Исламын Бүгд Найрамдах Улстай хоёр долоо хоногийн хугацаатай харилцан гал зогсоох шийдвэр зарласан.
- 4-р сарын 11: Тегеран болон Вашингтон Исламабад хотноо хэлэлцээ хийсэн боловч мөргөлдөөнийг урт хугацаанд зохицуулах асуудлаар тохиролцоонд хүрч чадаагүй.
- 4-р сарын 21: АНУ-ын ерөнхийлөгч гал зогсоох дэглэмийг сунгах бодолтой байгаагаа мэдэгдсэн.
- 5-р сарын 19: Тэрээр АНУ байлдааны ажиллагааг сэргээхийг хойшлуулж, дипломат харилцаанд боломж олгоход бэлэн байгаагаа илэрхийлэв.
- 5-р сарын 23: Америкийн удирдагч Ирантай байгуулах ирээдүйн хэлэлцээрийн төсөл ерөнхийдөө тохиролцсон гэдгийг тэмдэглэсэн боловч маргааш нь талууд зарим асуудлаар эцсийн тохиролцоонд хараахан хүрээгүй байгааг тайлбарласан байна.
