Монгол Улсын Ерөнхийлөгчийн өндөр ивээл дор зохион байгуулагдаж буй олимпын таеквондогийн Ази тивийн аварга шалгаруулах нэр хүндтэй тэмцээн “М Банк арена”-д амжилттай үргэлжилж байна. Тус тэмцээнд тивийн шилдэг тулаанчид хуран цуглаж, ур чадвараа сорьж байгаа бөгөөд манай улсын баг тамирчид эх орныхоо дэвжээнээс эхний медалиудыг шүүрч эхэллээ.
Тэмцээний үзүүлбэрийн буюу пүмзэ (poomsae) төрлийн холимог хосын 50 хүртэлх насны ангилалд Монголын тамирчид болох Ү.Ган-Эрдэнэ, У.Ханд нар гайхалтай зохиомж үзүүлж, хүрэл медалийн тавцанд гишгэв. Тэд өрсөлдөгч олон орны хүчирхэг багуудыг даран гарч, ийнхүү Азийн аваргын шагналт байранд шалгарсан бөгөөд тус ангиллын медалийн эздийг багцалж харуулбал:
- Алтан медаль: Бүгд Найрамдах Солонгос Улс (БНСУ)-ын баг тамирчид;
- Мөнгөн медаль: Непаль улсын шигшээ баг;
- Хүрэл медаль: Монгол Улс болон Ирак улсын хосууд хамтран хүртлээ.
Эх орныхоо дэвжээн дээр тивийн хэмжээний томоохон амжилт гаргасан Ү.Ган-Эрдэнэ, У.Ханд нарын ялалт нь манай бусад тамирчдад урам зориг өгсөн чухал үйл явдал боллоо. “М Банк арена”-д өрнөж буй тулаанууд цаашид илүү ширүүн, сонирхолтой хэлбэрээр үргэлжлэх бөгөөд манай баг тамирчдыг илүү олон медалийн амжилт хүлээж байна хэмээн спорт сонирхогчид итгэж байна.
