Netflix-ийн олон ангит шоу “Physical Asia”-д түрүүлж олонд танигдсан Өмнөд Солонгосын эмэгтэй чөлөөт бөхийн шигшээ багийн тамирчин Jang Eun Sil Монгол Улсад ирээд байна. Тэрээр энэ удаагийн айлчлалаараа хувийн влог, контентуудаа бэлтгэх зорилготойгоор Улаанбаатарт саатаж буй аж.
Jang Eun Sil нь “Physical Asia” шоуны үеэр Монголын жүдоч ОУХМ А.Адъяасүрэнтэй ойр дотно найз нөхдийн харилцаа тогтоосон тухайгаа өмнө нь онцолдог. Монголд ирснийхээ дараа тэрээр түүний хамт хугацаа өнгөрөөж, хамтарсан контент бэлдэж, спортын орчин, бэлтгэлийн хэв маягийг нь сонирхсон байна.
Мөн тэрээр Монголын жүдо бөхийн Үндэсний шигшээ багийн бэлтгэлд зочлон оролцож, тамирчидтай хамт татами дээр гарч, туршлага солилцжээ. Ийнхүү “Physical Asia”-ийн аварга тамирчин өөр улсын үндэсний шигшээтэй ийнхүү ойр ажилласан нь спортын нөхөрлөлийг бататгасан сайхан үйл явдал боллоо.
