Дэлхийн хамгийн нэр хүндтэй Counter-Strike 2 (CS2) тэмцээнүүдийн нэг болох “Остин Мажор 2025” албан ёсоор эхэллээ. АНУ-ын Техас мужийн Остин хотын “Moody Center”-т энэ сарын 2-ноос 22-ны хооронд зохион байгуулагдаж буй энэхүү тэмцээнд манай улсаас хоёр баг оролцож байна.
“Остин Мажор” тэмцээний бүтэц
Тус мажор тэмцээнд нийт 32 баг оролцох бөгөөд тэдгээрийн:
- 16 нь шууд урилгаар,
- 16 нь урьдчилсан шатны шалгаруулалтаар оролцож байна.
Тэмцээн нийт дөрвөн үе шаттайгаар явагдаж байна. Эхний гурван шат нь “Swiss” форматаар буюу багууд 3 хожвол дараагийн шат руу, 3 хожигдвол тэмцээнээс хасагдах хэлбэрээр өрсөлдөнө. Харин шигшээ шат нь шууд хасагдах системээр явагдана.
Монголын хоёр төлөөлөгч баг
Манай улсаас дараах хоёр баг “Остин Мажор”-т өрсөлдөж байна:
- The MongolZ — тэмцээний гуравдугаар шатанд шууд уригдан оролцож байна. Энэхүү тэмцээнд The MongolZ багийг албан ёсоор 1xBet компани төлөөлөн дэмжиж оролцуулж буй нь онцлох үйл явдал болж байна.
- Chinggis Warriors — тэмцээний нэгдүгээр шатнаас эхэлж, өрсөлдөгчдөө ялсаар ахина.
Монгол CS2-ийн шинэ үе
“The MongolZ” баг олон улсын тэмцээнүүдэд тогтмол амжилттай оролцож, дэлхийд танигдсан бол “Chinggis Warriors” баг сүүлийн жилүүдэд шинээр хүч түрэн гарч ирж буй баг бөгөөд энэ удаагийн мажорт тэдний тоглолтыг олон нийт онцгой анхааралтай ажиглаж байна.
“Остин Мажор” бол дэлхийн шилдэг багуудыг нэгтгэсэн томоохон тэмцээн бөгөөд манай хоёр багийн амжилт Монголын цахим спортын хөгжилд чухал түлхэц болох нь гарцаагүй.
Монголын нэрийг дэлхийд гаргаж байгаа залуусдаа амжилт хүсье
CS2 дээр ийм том тэмцээнд хоёр ч баг оролцож байгаа нь бахархмаар юм
Шөнө нойроо хасаад ч хамаагүй тоглолтыг нь үзнэ ээ