“Esports World Cup 2026” тэмцээн Францын нийслэл Парис хотноо наймдугаар сарын 12-23-ны өдрүүдэд зохион байгуулагдана. Дэлхийн шилдэг 32 баг өрсөлдөх Counter-Strike 2 төрлийн тэмцээн хоёр сая ам.долларын шагналын сантай юм.
Өнгөрсөн хоёр жилийн тэмцээнд “Natus Vincere” болон Монголын “The MongolZ” баг тус тус түрүүлж байсан билээ. Энэ жил аваргаа хамгаалах зорилготой оролцож буй The MongolZ баг Group D хэсэгт хуваарилагдсан байна.
Манай баг хэсгийн эхний тоглолтоо өнөөдөр буюу наймдугаар сарын 12-ны 21:20 цагт “Magic” багийн эсрэг хийхээр болжээ. Энэхүү тоглолт нь The MongolZ-ийн аваргаа хамгаалах замналын эхний сорилт болох юм.
Тэмцээний форматын товч мэдээлэл:
- Нийт 32 баг дөрвөн хэсэгт хуваагдана;
- Хэсэг бүрт найман баг Double Elimination форматаар өрсөлдөнө;
- Эхний тоглолтууд BO1 хэлбэрээр явагдана;
- Дараагийн тоглолтууд BO3 форматаар болно;
- Хэсэг бүрээс шилдэг дөрвөн баг Playoffs шатанд шалгарна.
Playoffs шат Single Elimination форматаар үргэлжлэх бөгөөд Grand Final-ээс бусад бүх тоглолт BO3 хэлбэрээр явагдана. Харин аваргын төлөөх финал BO5 форматаар зохион байгуулагдах юм.
Ийнхүү “The MongolZ” баг дэлхийн цомын тэмцээнд аваргын цолоо хамгаалах тулаанаа өнөөдөр эхлүүлнэ. Magic багийн эсрэг хийх нээлтийн тоглолт хэсгийн цаашдын өрсөлдөөн, плей-оффын байрлалд чухал нөлөө үзүүлэхээр байна.
The MongolZ багийн ивээн тэтгэгчээр 1xBet ажиллаж байгаа нь Монголын цахим спортын хөгжлийг дэмжих, багийн олон улсын өрсөлдөөнд оролцох орчныг бэхжүүлэхэд чухал хувь нэмэр болж байна.
