“One Championship” холбооны дэлхийн аварга, “Шандас ММА” клубын тамирчин Б.Энх-Оргил аваргын бүсээ хамгаалах хариуцлагатай тулаанаа хийхээр тогтлоо. Тэрбээр энэ сарын 31-нд Тайландын Бангкок хотын “Lumpinee Stadium”-д болох “The Inner Circle 24” тэмцээний оргил тулаанд октагонд гарахаар бэлтгэлээ базааж байна.
Ялагдашгүй Азербайжан тулаанчтай нударга зөрүүлнэ
Энэ удаагийн тулаанд манай тамирчны өрсөлдөгчөөр Азербайжаны тулаанч Элбек Алышов сонгогдоод байгаа юм. Өрсөлдөгч тамирчны хувьд сүүлийн тулаанууддаа өндөр амжилт үзүүлж байгаа бөгөөд дараах онцлох үзүүлэлттэйгээр энэхүү тулаанд ирж байна.
- Элбек Алышов нь сүүлийн 10 тулаандаа нэг ч ялагдалгүй буюу 10-0 гэсэн ялагдашгүй амжилттай яваа;
- Тэрбээр “The Inner Circle 24” тэмцээний гол тулаанд Монголын аваргын бүсийг авах зорилготой оролцоно.
Хоёр дахь аваргын бүсийг эх орондоо авчирсан түүх
Эргэн сануулахад, Б.Энх-Оргил 2025 оны арванхоёрдугаар сард “One Fight Night-38” тэмцээний аваргын төлөө тулалдсан билээ. Тухайн үед тэрбээр Бразил улсын тамирчин, дэлхийн аваргын бүсний эзэн Фабрисио Де Андрадетай 65.8 кг-ийн жинд хүч үзэн ялалт байгуулж байв. Ингэснээр “One Championship” холбооны аваргын бүс эзэмшсэн Монголын хоёр дахь тулаанч болж, спортын түүхэнд нэрээ үлдээсэн юм.
