БНХАУ-ын Чиндао хотноо жүдо бөхийн “Гран при” ангиллын нэр хүндтэй тэмцээн амжилттай үргэлжлэн явагдаж байна. Тус тэмцээнд оролцож буй Монголын үндэсний шигшээ багийн тамирчид ур чадвараа дайчлан барилдаж, эхнээсээ шигшээ найм буюу хэсгийн аваргын төлөөх хариуцлагатай даваанд шалгаран үлдлээ.
Эрэгтэйчүүдийн 66 кг: Ё.Басхүү гавьяатын хамгийн том сорилт
Тэмцээний эрэгтэйчүүдийн 66 кг-ын жинд Монгол Улсын Гавьяат тамирчин Ё.Басхүү тун жинтэй барилдаануудыг үзүүлж байна. Тэрбээр нэгдүгээр тойрогт чансаагаараа гоц мөргөж, дараагийн шатуудад БНХАУ болон Унгарын хүчтэй тамирчдыг дараалан буулган авснаар шигшээ наймд албан ёсоор шалгарлаа.
Одоо түүнийг “А” хэсгийн аваргын төлөөх дэлхийн жүдо бөхийн гол од, олимп болон дэлхийн олон удаагийн аварга, Японы алдарт Абэ Хифумитай хийх супер тулаан хүлээж байна. Энэхүү барилдаан нь тус жингийн хамгийн сонирхолтой бөгөөд шийдвэрлэх барилдааны нэг байх болно.
Эмэгтэйчүүдийн 57 кг: Жин өгссөн О.Оюунчимэгийн амжилт ба Л.Сосорбарамын даваа
Эмэгтэйчүүдийн 57 кг-ын жинд Олон улсын хэмжээний мастер Оюунгэрэлийн Оюунчимэг жин өгсөн (өмнө нь 52 кг-д барилддаг байсан) амжилттай барилдаж байна. Тэрбээр эхний тойрогт гоц мөргөж, улмаар хоёрдугаар тойрогт Өмнөд Солонгосын Нари Жун, гуравдугаар тойрогт Германы Сейжа Баллхаус нарыг дараалан ялж, шигшээ наймд үлдлээ. О.Оюунчимэг “В” хэсгийн аваргын төлөө Францын Марта Фавазтай хүч үзэхээр оноолт таарчээ.
Мөн энэ жинд хүч үзэж буй манай өөр нэгэн шилдэг бөх, ОУХМ Л.Сосорбарам эхний даваанууддаа Энэтхэг болон Узбекистаны бөхчүүдийг дараалж ялснаар гуравдугаар тойрогт Бельгийн Мина Лебээртэй барилдахаар болоод байна.
Манай тамирчдын дараагийн шатны оноолтыг багцалбал:
- Ё.Басхүү (66 кг): “А” хэсгийн аваргын төлөө Японы домогт бөх Абэ Хифумитай тулна.
- О.Оюунчимэг (57 кг): “В” хэсгийн аваргын төлөө Францын Марта Фавазтай хүч үзнэ.
- Л.Сосорбарам (57 кг): Гуравдугаар тойрогт Бельгийн жүдоч Мина Лебээртэй дараагийн шатны төлөө барилдана.
