Жүдо бөхийн насанд хүрэгчдийн Азийн аварга шалгаруулах тэмцээн БНХАУ-ын ӨМӨЗО-ы Ордос хотод дөрөвдүгээр сарын 16-18-нд болно. Энэ удаагийн тэмцээнд нийт 21 орны 204 тамирчин өрсөлдөхөөр бүртгэгдээд байна.
Монголын шигшээ баг тэмцээн болох ӨМӨЗО-ы Ордос хотыг зорьжээ. Багийн арын албанд ахлах дасгалжуулагч У.Эрдэнэбаатар, дасгалжуулагч П.Нямлхагва, Ч.Болдбаатар, Г.Болдбаатар, Н.Дагвасүрэн, шигшээ багийн эмч Л.Отгондалай, терапист Т.Айтуган нар ажиллах юм.
Энэ удаагийн Азийн АШТ-д Монголын шигшээ баг эрэгтэй, эмэгтэй ангилалд дараах бүрэлдэхүүнтэй оролцоно. Тамирчид жин тус бүрт хүч үзэх бөгөөд багийн өрсөлдөөн ч мөн анхаарал татаж байна.
Монголын шигшээ багийн бүрэлдэхүүн:
- Эрэгтэй
- 60 кг – Т.Түмэнжаргал
- 66 кг- К.Ёолк, Ө.Жанцандорж
- 73 кг – О.Уранбаяр
- 81 кг – О.Шинэбаяр
- 90 кг – А.Мөнх-Эрдэнэ
- 100 кг – Ц.Ган-Эрдэнэ
- +100 кг – О.Цэцэнцэнгэл, Ө.Пэрэнлэйжамц
- Эмэгтэй
- 48 кг Ж.Анударь
- 52 кг – М.Нандин-Эрдэнэ
- 57 кг – Т.Ариунзаяа, М.Цэндбазар
- 63 кг – Л.Энхрийлэн
- 70 кг – С.Лхагвадулам
- 78 кг – О.Хүслэн, Ж.Урангоо
- +78 кг – А.Адьяасүрэн
Ийнхүү Монголын жүдо бөхийн шигшээ баг тивийн дэвжээнд хүч сорихоор мордлоо. Ордосын дэвжээнд 21 орны 204 тамирчинтай өрсөлдөх энэ тэмцээн манай багийн хувьд чансаа, бэлтгэл, өрсөлдөх чадвараа сорих чухал сорилт болох юм.
