Буянт-Ухаа спортын ордонд энэ сарын 3-нд эхэлсэн Олон Улсын Таеквондогийн тивийн аварга шалгаруулах XI тэмцээнд 1,300 гаруй тамирчин авхаалж самбаагаа сорьж байна. Зургаан өдрийн турш үргэлжлэх тус тэмцээнд Монгол Улсын шигшээ баг одоогийн байдлаар 7 алт, 14 мөнгө, 16 хүрэл буюу нийт 37 медаль хүртсэн амжилтаар багийн дүнгээр хоёрдугаар байрт бичигдэж байна.
Багуудын медалийн жагсаалт:
| Улс / Баг | Алт | Мөнгө | Хүрэл | Нийт |
| БНАСУ | 24 | 11 | 2 | 37 |
| Монгол | 7 | 14 | 16 | 37 |
| ОХУ | 5 | 3 | 6 | 14 |
| Камбож | 1 | 5 | 6 | 12 |
| Малайз | 1 | 0 | 8 | 9 |
| Казахстан | 1 | 0 | 8 | 9 |
| Хонконг | 1 | 0 | 0 | 1 |
Тэмцээнийг 24 алтан медальтайгаар Бүгд Найрамдах Ардчилсан Солонгос Улсын баг тамирчид тэргүүлж байгаа бөгөөд манай тамирчдын ард ОХУ болон Камбожийн шигшээ багууд медалийн чанараар удаалж байна. Тивийн өнцөг булан бүрээс шилдэг тамирчид оролцож буй тул өрсөлдөөн тун ширүүн өрнөж байгааг холбооны зүгээс онцоллоо.
