2026 оны наймдугаар сарын 17-ноос 28-ны өдрүүдэд Улаанбаатар хотод болох НҮБ-ын Цөлжилттэй тэмцэх тухай конвенцын талуудын 17 дугаар бага хурлаар (COP17) Монгол Улсаас дэвшүүлэх үндэсний стратегийн баримт бичиг болох “Тал хээрийн төлөвлөгөө”-г Гадаад харилцааны сайд Б.Батцэцэг Засгийн газрын хуралдаанд танилцууллаа.
Төлөвлөгөөний үндсэн гурван санаачилга ба төслийн санхүүжилт
Монгол Улс энэхүү стратегийн баримт бичгийн хүрээнд нийт 292 төсөлд 6.5 тэрбум ам.долларын санхүүжилт хүсэж байгаа бөгөөд нэг төслийн дундаж санхүүжилт 700 мянган ам.доллар байхаар тооцоолсон байна. Тус төлөвлөгөө нь дараах гурван үндсэн санаачилгаас бүрдэж байна:
- Бэлчээрийн тэргүүлэх санаачилга: Бэлчээрийн доройтлыг бууруулах, даацыг зохицуулах бодлого.
- Ус ба газрын нэгдсэн менежментийн санаачилга: Газрын болон усны нөөцийг хамгаалах, зохистой ашиглах нэгдсэн систем.
- Тогтвортой дэд бүтэц: Байгальд суурилсан шийдэл бүхий экологид ээлтэй дэд бүтцийн төслүүд.
