Монгол Улсыг төлөөлөн Япон улсад болсон Комбат бөхийн Азийн аварга шалгаруулах тэмцээнд оролцсон ахмад Э.Адъяа амжилттай барилдаж, мөнгөн медаль хүртлээ.
2025 оны зургаадугаар сарын 22-23-ны өдрүүдэд Япон улсын Саятама хотод зохион байгуулагдсан тус тэмцээнд Хилийн цэргийн 0277 дугаар ангийн сургалтын ахлах офицер, ахмад Э.Адъяа -74 кг жинд барилдаж, 11 орны 120 гаруй шилдэг тамирчдын дундаас шалгарч, мөнгөн медаль хүртсэн юм.
Энэхүү тэмцээнд оролцсон баг тамирчид Япон, Солонгос, Узбекстан зэрэг орны хүчтэй бөхчүүдтэй өрсөлдөж, улс орныхоо нэрийг олон улсын тавцанд дахин мандууллаа.
