1.5 тэрбум ам.долларын ашиг олж, Оскарын шагналд найман төрлөөр нэр дэвшин дэлхийн дахиныг шуугиулсан “Barbie” киноны үргэлжлэлийг бүтээх Warner Bros компанийн төлөвлөгөө жүжигчдийн цалин хөлстэй холбоотой маргааны улмаас саатсаныг New York Times сонин мэдээллээ.
Гол уран бүтээлчдийн шаардлага ба Mattel-д эрх буцах эрсдэл
Эхний киног амжилтад хүргэсэн гол баг бүрэлдэхүүн болох Марго Робби, Райан Гослинг болон найруулагч Грета Гервиг нар студитэй одоогоор нэгдсэн тохиролцоонд хүрч чадаагүй байна.
- Р.Гослингийн нэхэмжлэл: Кенийн дүрээр Оскарын шилдэг туслах дүрд нэр дэвшиж байсан Райан Гослинг дахин тоглохын тулд 20 сая ам.долларын цалин шаарджээ.
- Агентлагийн нөлөө: Дээрх гурван уран бүтээлч гурвуулаа CAA агентлагт харьяалагддаг бөгөөд нэгдсэн байр суурьтайгаар хэлэлцээ хийж байна.
- Эрх буцах deadline: Warner Bros ирэх 12-р сар гэхэд уран бүтээлчидтэй гэрээ хийж чадахгүй бол кино бүтээх албан ёсны эрх хүүхэлдэй үйлдвэрлэгч “Mattel” компанид буцаж шилжинэ.
- Алдах эрсдэл: Киноны эрх Mattel-д буцвал өөр студиэр шинэ кино хийлгэж болох ч эхний киноны зохиолын элементүүдийг ашиглах болон Робби, Гослинг, Гервиг нарыг тоглуулах боломжгүй болох юм.
Студийн удирдлагуудын байр суурь
“Бид Mattel-ээс эрх авах гэрээ байгуулж, дараагийн киног бүтээхийн тулд уран бүтээлчдэд хэд хэдэн том санал тавьсан. Харамсалтай нь бид одоогоор тохиролцоонд хүрч чадаагүй байна.” — Warner Bros студийн хамтарсан гүйцэтгэх захирлууд Пэм Абди, Майкл Де Лука
