Улсын хэмжээнд 2025 оны гуравдугаар сарын 24-нөөс 31-ний хооронд нийслэлийн 8 дүүрэг, 19 аймгийн 44 суманд гарсан аюулт үзэгдэл, ослын 114 удаагийн дуудлагад Онцгой байдлын албан хаагчид ажиллаж, нийт 11 хүний амь насыг аварчээ.
Тус долоо хоногийн хугацаанд бүртгэгдсэн дуудлагын төрөл нь дараах байдалтай байв:
- 93 удаагийн дуудлага – Объектын гал түймэр
- 1 удаа – Газар хөдлөлт
- 5 удаа – Салхи шуурганы осол
- 1 удаа – Цасан шуурга
- 14 удаа – Хүний үйл ажиллагаатай холбоотой осол
Төв болон орон нутгийн Онцгой байдлын албаныхан аюулт нөхцөл байдалд цаг алдалгүй шуурхай үүрэг гүйцэтгэж, хүний амь нас, эд хөрөнгийг авран хамгаалсан байна.
