Улаанбаатар хотын хөгжлийн хүрээнд хэрэгжүүлж буй 24 мега төслийн нэг хэсэг болох ТЭЦ-5 дулааны цахилгаан станцын бүтээн байгуулалтыг Баянгол дүүрэгт хэрэгжүүлэхээр боллоо. Энэхүү шинэ станц нь 340 Гкал дулаан, 300 МВт цахилгаан үйлдвэрлэх хүчин чадалтай байна.
Экологид ээлтэй, цогц шийдэл бүхий ТЭЦ
ТЭЦ-5 нь байгаль орчинд сөрөг нөлөө багатай орчин үеийн шийдлээр баригдах бөгөөд газар ашиглалт, нүүрс, усан хангамжийн системийг уялдуулан зохион байгуулах хэлбэртэй байна. Ингэснээр байгальд учруулах сөрөг нөлөөллийг хамгийн бага түвшинд барих зорилготой.
Төлөвлөлт, бүтцийн шийдэл бүрэн боловсруулагджээ
Одоогийн байдлаар ТЭЦ-5-ын ерөнхий төлөвлөгөө бүрэн боловсруулагдсан бөгөөд дараах үндсэн байгууламжууд багтаж байна:
- Үндсэн цех
- Захиргааны барилгууд
- Цахилгаан дэд станц
- Нүүрс буулгах талбай, үнс хадгалах хэсэг
- Ачаа тээврийн байгууламж
- Ирээдүйн өргөтгөлийн нөөц талбай
Эрчим хүчний хараат бус байдлыг нэмэгдүүлнэ
Улаанбаатар хотын Захирагчийн албанаас мэдээлснээр, уг станц баригдсанаар нийслэлийн олон хороолол, дүүргүүдийг дулаанаар хангах чухал эх үүсвэр болохоос гадна, цахилгаан эрчим хүчний импортын хэмжээ эрс буурч, улсын эрчим хүчний бие даасан байдал дээшлэх чухал нөлөө үзүүлэх аж.
