Шинэ Зеланд улсад төрийн эмнэлэг болон боловсролын байгууллагуудын 100,000 гаруй ажилтан, түүний дотор эмч, сувилагч, багш нар цалин болон ажлын нөхцөлдөө сэтгэл дундуур байгаагаа илэрхийлж, улс даяар ажил хаялт зарлалаа.
Мэдээгээр, энэ нь тус улсын түүхэнд тохиосон хамгийн том хөдөлмөрийн тэмцлүүдийн нэг болж байна. Радио Radio New Zealand мэдээлснээр, ажил хаялтыг Шинэ Зеландын Үйлдвэрчний Эвлэлүүдийн Зөвлөл (CTU) удирдаж байгаа бөгөөд байгууллагын төлөөлөгч Ричард Вагстафф “Засгийн газар бодит байдлаас тасарсан бөгөөд эмч, багш нарын хөдөлмөрийг үнэлэхгүй байна” хэмээн мэдэгджээ.
Үйлдвэрчний эвлэлийн шаардлага
Энэхүү ажил хаялтад дараах гол байгууллагууд нэгдсэн байна:
- Төрийн албан хаагчдын холбоо (PSA)
- Шинэ Зеландын сувилагчдын холбоо (NZNO)
- Боловсролын институт Te Riu Roa (NZEI)
- Сургуулийн багш нарын холбоо PPTA Te Wehengarua
- Эмнэлгийн мэргэжилтнүүдийн холбоо (ASMS)
Тэдний гол шаардлага бол цалинг нэмэгдүүлэх юм.
Засгийн газрын санал ба шүүмжлэл
Засгийн газар эмч нарт 16 сарын хугацаанд 5%-ийн нэмэгдэл, сувилагчдад 2025 оны 6-р сараас 2%, 2026 оны 6-р сараас дахин 1%-ийн нэмэгдэл санал болгосон ч үйлдвэрчний эвлэл уг саналыг “хүлээн зөвшөөрөх боломжгүй” гэж үзсэн.
Тэд “Эрүүл мэндийн яам ажилчдын дуу хоолойг сонсож, эмнэлгийн салбар дахь ажлын бодит үнэ цэнийг илтгэхүйц саналыг дахин гаргах ёстой. Мөн шинэ ажилчдыг татах үйл явцыг хурдасгах шаардлагатай” гэж мэдэгджээ.
Боловсролын салбарын хувьд, Боловсролын яам багш нарт 4.7%-ийн нэмэгдэл 12 сарын хугацаанд санал болгосон ч Профсоюзууд үүнийг хүлээж аваагүй. PPTA-ийн ерөнхийлөгч Крис Аберкромби “Энэ санал өмнөхөөсөө ч дор байна, тиймээс бид ажил хаяхаар шийдсэн” хэмээн мэдэгдэж, багш нар 10-р сарын 29 болон **11-р сарын 5-нд дахин эсэргүүцлийн жагсаал хийхээ зарлалаа.
Багш, эмч нарын хөдөлмөрийг үнэлэх цаг аль хэдийн болсон шүү
Ийм улс оронд хүртэл асуудал гардаг гэдэг нь сонин юм