Засгийн газрын ээлжит хуралдаан болж, Монгол Улсын хөгжлийн бодлого, технологийн шинэчлэл, олон улсын хамтын ажиллагаа зэрэг өргөн хүрээтэй асуудлыг хэлэлцэн дараах шийдвэрүүдийг гаргалаа.
- 2026–2030 оны таван жилийн үндсэн чиглэл-ийг “ШИНЭ ИТГЭЛ – ШИНЭТГЭЛ” уриатайгаар боловсруулахыг шийдвэрлэв. Энэ хүрээнд хүний хөгжил, нийгмийн сайн сайхан байдал, эдийн засаг, дэд бүтэц, байгаль орчин, бүсийн хөгжил, шинжлэх ухаан, технологийг хамарсан 10 үндэсний зорилт тодорхойлогджээ.
- “Цахимаар түрүүнд (Digital First)” бодлого батлагдаж, төрийн бүх шатанд шийдвэр, үйлчилгээ цахимд суурилсан байх зарчмыг хэрэгжүүлэхээр болов.
Монгол, Австралийн Засгийн газар хооронд “Агаарын харилцааны тухай хэлэлцээр” байгуулахаар тохиролцож, гарын үсэг зурах эрхийг олголоо. Үүний үр дүнд хоёр улсын хооронд шууд нислэг нээж, иргэд, жуулчид, бизнес эрхлэгчдийн зорчих зардал буурах боломж бүрдэнэ.
Эдийн засаг, технологи
- Эдийн засгийн хөгжлийн зөвлөл-ийг шинэчлэн байгуулж, Ерөнхий сайдад мэргэжлийн зөвлөмж, бодлогын санал өгөх бүтэцтэй ажиллуулахаар болов.
- “Их өгөгдөл, хиймэл оюуны үндэсний стратеги”-ийг хэлэлцэн дэмжиж, уул уурхай, финтек, байгаль орчин, боловсрол, эрүүл мэнд зэрэг салбарт хиймэл оюуныг нэвтрүүлэх, олон улсын дата төв байгуулах зорилт тавьлаа.
Бусад шийдвэрүүд
- Түүхэн үйл явдлын ой, тэмдэглэлт өдөрт – “Үндэсний кино урлагийн өдөр” (10-р сарын 11), “Бүх ард түмний санал хураалтын өдөр” (10-р сарын 20)-ийг шинээр орууллаа.
- 19 газар нутгийг улсын тусгай хамгаалалтад авч, хилийн заагийг тогтоов.
- Засгийн газрын 2024–2028 оны үйл ажиллагааны хөтөлбөрийн хэрэгжилтийг эрчимжүүлэхийг бүх шатны удирдлагуудад даалгав.
