Apple энэ жилийн хамгийн том арга хэмжээгээ ирэх 9-р сарын 9-нд зохион байгуулна. Үзэсгэлэнд iPhone 17-ийн шинэ цуврал, Apple Watch Ultra 3, AirPods Pro 3 болон бусад зарим шинэ бүтээгдэхүүн багтах ч, бүх төхөөрөмжүүдийг танилцуулахгүй.
Mongolnews24.com-ийн мэдээлснээр, 9to5Mac эх сурвалжийн дагуу Mac компьютер болон зарим ухаалаг төхөөрөмжүүдийн танилцуулга хойшлогдох бололтой.
Шинэ Macbook – аравдугаар сараас наашгүй
Жил бүрийн жишгийн дагуу Apple 9-р сард Mac компьютерээ танилцуулдаггүй, харин аравдугаар эсвэл арваннэгдүгээр сард зарладаг. Өнгөрсөн жил MacBook Pro (M4 чиптэй), Mac mini болон iMac-ийг 10-р сарын сүүлээр танилцуулж, 11-р сараас худалдаанд гаргасан. Энэ жил Mac-ийн шинэ загвар гарахгүй байх магадлалтай бөгөөд MacBook Pro (M5 чиптэй) 2026 оны эхээр, харин шинэ Mac Pro тодорхойгүй хугацаанд гарахаар төлөвлөгдөж байна.
“HomePad” буюу HomePod Touch
Apple ухаалаг гэрийн төхөөрөмжүүдийг хөгжүүлж байгаа ч энэ нь хоёрдугаар чиглэл хэвээр байна. Bloomberg-ийн мэдээлснээр, шинэ “HomePad” 2025 оны хавар гарах байсан ч Siri-д хиймэл оюун суурилсан шинэчлэл хойшлогдсоноор 2026 оны хавар хүртэл сунгагдсан.
AirPods Max ба AirPods 4
AirPods Pro 3-ыг энэ намар танилцуулах магадлал өндөр ч AirPods 4 болон шинэ AirPods Max-ыг харахгүй. AirPods 4 өнгөрсөн жил гарсан бөгөөд дараагийн шинэчлэл 2026 оноос өмнө болохгүй гэж үзэж байна. AirPods Max ч мөн шинэ хувилбаргүй үлдэх бололтой.
iPad Pro, AirTag 2 болон бусад
iPhone 17, Apple Watch болон AirPods Pro 3-аас гадна Apple-ийн дараагийн шинэчлэлтүүд аравдугаар сард гарах магадлалтай. Тэдгээрийн дунд:
- iPad Pro (M5 чиптэй)
- AirTag 2
- Apple TV 4K (A17 Pro чиптэй)
- Apple Vision Pro 2
- HomePod mini 2
AirTag 2-ыг iPhone 17-тай хамт танилцуулах магадлал байсан ч энэ удаад цагийн хуваарьт багтахгүй байж болох юм.
