Азийн зуны спортын XX наадмын марафоны зайн уралдаан өнөөдөр явагдаж, шигшээ багийн аваргууд тодорлоо. Тус тэмцээний эмэгтэйчүүдийн ангилалд хурд сорьсон Монгол Улсын тамирчин Г.Хишигсайхан амжилттай оролцон, Азийн шилдэг 10 марафончийн нэгээр тодорлоо.
Эмэгтэйчүүдийн марафоны өрсөлдөөн
Нийт 18 гүйгч гараанаас гарснаас Бахрейны тамирчин Шитайе Хабтэ 2:27:31 цагийн амжилтаар тэргүүлж, Азийн наадмын аваргаар тодорсон байна. Харин манай марафонч Г.Хишигсайхан замаа 2:35:45 цагт туулан 10 дугаар байрт хурдалжээ. Тус ангилалд уралдахаар заагдаж байсан марафонч Б.Мөнхзаяа тодорхой шалтгааны улмаас гарааны замд гарсангүй.
Эрэгтэйчүүдийн зайд эх орноо төлөөлөн оролцсон тамирчдаас Ж.Олонбаяр 16 дугаар байрт баригдсан бол Д.Гантулга 18 дугаар байраар уралдааны замаа дуусгасан байна.
