2026 онд Франц улсын шампанск дарсны үйлдвэрлэл сүүлийн 70 жилийн хамгийн доод түвшинд хүртэл буурч магадгүй тухай “CNBC” мэдээллээ. Цаг агаарын аномаль халалт, ган шанд болон түймэр зэрэг хүчин зүйлс ургац хураалтад сөргөөр нөлөөлсөн байна. “INSEEC Grande Ecole”-ийн Давхар ба согтууруулах ундааны тэнхимийн эрхлэгч Жан-Мари Кардеба “Өнөөдөр Францын нэг ч бүс нутаг хэт халалтаас хамгаалагдаагүй” хэмээн онцолсон бөгөөд үйлдвэрлэлийн хэмжээ ийнхүү дараалан гурав дахь жилдээ буурч байгаа юм.
Хэрэглээний өөрчлөлт ба инфляцын нөлөө
Үүнээс гадна Францчуудын хэрэглээний зуршил өөрчлөгдсөн нь салбарын уналтад нөлөөлжээ. 1960 онд хүн амын 50 орчим хувь нь өдөр тутам шампанск хэрэглэдэг байсан бол өдгөө энэ үзүүлэлт 10 хувь хүртэл буурсан байна. Мөн сүүлийн таван жилд инфляц өсөж, гаалийн татвар нэмэгдсэнээс үүдэн дарсны борлуулалт багасаж, илүүдэл үүссэн тул үйлдвэрлэгчид усан үзмийн талбайгаа багасгаж эхэлжээ. Тухайлбал, Бордо бүсэд 2023 оноос хойш нийт 83 мянган га талбайн 20 мянга орчим га усан үзмийн моддыг тайрч цөөлсөн байна.
