CS2-ийн томоохон тэмцээн долоодугаар сард эхэлнэ
Counter Strike-2 төрлийн BLAST Bounty Summer 2026 тэмцээн долоодугаар сарын 21-нээс наймдугаар сарын 2-ны хооронд Европт зохион байгуулагдахаар товлогджээ.
Энэ удаагийн тэмцээнд олон улсын бүсүүдээс шалгарсан шилдэг 32 баг оролцох бөгөөд өрсөлдөөн хоёр үндсэн үе шаттайгаар үргэлжлэх юм.
Урьдчилсан шатнаас найман баг Мальтад шалгарна
Тэмцээний эхний шат ирэх сарын 21-26-ны өдрүүдэд явагдана. Энэ шатанд оролцох 32 баг нугалааны буюу хасагдах зарчмаар тоглож, цааш өрсөлдөх шилдэг найман багийг тодруулах юм.
Урьдчилсан шатнаас шалгарсан багууд дараагийн шатанд Мальтад тоглох эрхтэй болно.
Аварга баг наймдугаар сарын 2-нд тодорно
Шөвгийн наймын тоглолтууд долоодугаар сарын 26-наас Мальта улсын Attard хот дахь BLAST Arena студид эхлэхээр байна.
Тэмцээн наймдугаар сарын 2-нд өндөрлөж, BLAST Bounty Summer 2026-ийн аварга баг тодрох юм.
Одоогоор зохион байгуулагчдын зүгээс тоглолтын нарийвчилсан хуваарь болон шагналын сангийн мэдээллийг албан ёсоор зарлаагүй байна.
“The MongolZ” чансаагаараа урилгаар оролцоно
Монгол Улсын “The MongolZ” баг уг тэмцээнд зургаадугаар сарын дэлхийн чансааны оноогоороо уригдан оролцохоор болжээ.
Тэд зургаадугаар сарын байдлаар дэлхийн чансааны долоодугаар байрт бичигдэж байгаа бөгөөд энэ үзүүлэлт нь Монголын багийг дэлхийн CS2-ийн хүчтэй багуудын эгнээнд багтааж байна.
Дэлхийн хүчирхэг багуудын нэрс тодорч эхэллээ
Зуны завсарлагааны дараа эхлэх BLAST Bounty Summer 2026 тэмцээнд CS2-ийн томоохон нэрс оролцохоор байна.
Одоогоор тэмцээнд оролцохоор байгаа багуудын дунд:
- “FURIA” /Бразил/
- “Team Spirit” /ОХУ/
- “Team Vitality” /Франц/
- “MOUZ” /Герман/
- “The MongolZ” /Монгол/
- “Team Falcons” /Саудын Араб/
- “Natus Vincere” /Украин/
- “FaZe Clan” /Европ/
зэрэг дэлхийн түвшний багууд багтаж байна.
1xBet Монголын багийн ивээн тэтгэгчдийн нэг юм
“The MongolZ” баг олон улсын тэмцээнүүдэд тогтмол өндөр түвшинд өрсөлдөж байгаа энэ үед тэдний ивээн тэтгэгчдийн нэгээр 1xBet ажиллаж байна.
Монголын баг дэлхийн чансаагаараа BLAST Bounty Summer 2026-д шууд уригдсан нь багийн нэр хүнд, тогтвортой амжилт, олон улсын тавцан дахь байр суурийг дахин баталж байна.
Дараагийн том сорилт эхлэх гэж байна
BLAST Bounty Summer 2026 нь “The MongolZ”-ийн хувьд зуны дараах хамгийн чухал сорилтуудын нэг байх төлөвтэй байна.
Тэд дэлхийн топ багуудтай нэг талбарт өрсөлдөх бөгөөд энэ тэмцээн Монголын CS2 багийн одоогийн form, тактик, аваргын төлөө өрсөлдөх чадамжийг дахин шалгах том боломж болох юм.
