Сүүлийн өдрүүдэд цахим орчин болон хэвлэл мэдээллийн хэрэгслүүдээр УИХ-ын гишүүн Э.Болормааг цагдаагийн байгууллагаас шалгаж эхэлсэн гэх мэдээлэл түгсэн. Энэ талаар Цагдаагийн Ерөнхий Газрын Хэвлэл мэдээллийн төвөөс тодруулахад:
“Шалгаж эхэлсэн нь үнэн. Иргэний гомдлын дагуу шалгаж байна. Гэхдээ дэлгэрэнгүй мэдээлэл өгөх боломжгүй” хэмээн хариуллаа.
Харин өөрөөс нь тодруулахад, УИХ-ын гишүүн Э.Болормаа: “Надад ямар ч мэдээлэл ирээгүй байна. Танаас анх удаа сонслоо” гэсэн тайлбарыг өгсөн юм.
Э.Болормаа нь 2024 оны УИХ-ын сонгуулийн үеэр оффшор бүсэд бүртгэлтэй компанитай холбогдсон, гадаадын эх үүсвэрээс санхүүгийн дэмжлэг авсан гэх асуудалд нэр холбогдсон тухай мэдээлэл өмнө нь гарч байв.
