“Мерседес” багийн Итали нисгэгч Кими Антонелли 2026 оны “Формула-1” дэлхийн аваргын хоёр дахь шат болох Хятадын Гран-при уралдааны ялагч боллоо. Шанхай хотноо зохион байгуулагдсан уг тэмцээний барианы шугамыг тэрээр хамгийн түрүүнд давсан юм.
Mongolnews24.com-ийн мэдээлснээр, хоёрдугаар байрт түүний багийн анд, Британийн нисгэгч Жорж Расселл орсон байна. Харин удаах байрт “Феррари” багийн өмнөөс уралдаж буй Их Британийн алдарт нисгэгч Льюис Хэмилтон шалгарч, шилдэг гурвын жагсаалтыг гүйцээлээ.
Өдгөө 19 настай Антонеллигийн хувьд энэ нь “Формула-1”-ийн гараа дахь анхны том ялалт нь болж байна. Тэрээр 2025 оноос эхлэн “Мерседес” багийн бүрэлдэхүүнд багтан уралдаж байгаа юм. Сануулахад, Антонелли “Формула-1”-ийн түүхэн дэх хамгийн залуу “поул-позишн” (pole position — уралдааныг эхний байрлалаас эхлэх эрх) эзэмшигчээр тодроод байсан билээ.
Дэлхийн аваргын дараагийн шат 3-р сарын 27-ноос 29-ний хооронд Япон улсад үргэлжлэн явагдана.
