OpenAI, Anthropic болон бусад томоохон судалгааны төвүүдийн хиймэл оюун ухааны (ХОУ) чиглэлийн тэргүүлэх мэргэжилтнүүд албан тушаалаасаа татгалзлаа. Axios порталын мэдээлснээр, эдгээр шинжээчид корпорацуудын удирдлага ХОУ-ыг хүний амьдралд хэт өргөнөөр нэвтрүүлэхдээ гарч болох аюулыг хангалттай тооцохгүй, хайнга хандаж байна хэмээн эсэргүүцлээ илэрхийлсэн байна.
Хиймэл оюун ухааны “оршин тогтнох аюул” Мэргэжилтнүүд ХОУ-ын хөгжлийг хүн төрөлхтний хувьд “оршин тогтнох аюул” (existential threat) гэж нэрлэж байгаа бөгөөд үүнийг технологийн томоохон компаниуд өөрсдөө ч хүлээн зөвшөөрч байгаа юм. Anthropic компаниас гаргасан тайланд дурдсанаар:
- Хиймэл оюун ухааныг химийн зэвсэг бүтээх зэрэг хүнд гэмт хэрэг үйлдэхэд ашиглах боломжтой.
- ХОУ-ыг хүний оролцоогүйгээр бие даан ажиллуулах нь урьдчилан таамаглах аргагүй үр дагаварт хүргэх эрсдэлтэй.
Эдийн засагт үзүүлэх нөлөө Салбарын эрсдэлээс гадна санхүүгийн зах зээлд ч тогтворгүй байдал үүсээд байна. The New York Times сонины мэдээлснээр, ХОУ ойрын хугацаанд ихэнх төлбөртэй програм хангамжийн функцийг орлох болно гэсэн хөрөнгө оруулагчдын болгоомжлолоос үүдэж Нью-Йоркийн хөрөнгийн бирж дээрх технологийн компаниудын хувьцааны ханш огцом унаж эхэлжээ.
