Дархан-Уул аймгийн Дархан сумын 7 дугаар цэцэрлэгийн салбар тусгай хэрэгцээт хүүхдүүдэд зориулсан зуны зуслан, цэцэрлэгийг гурав дахь жилдээ үйл ажиллагаагаа эхлүүлж байна. Тус цэцэрлэг 2025 оны зургаадугаар сарын 25-нд хүүхдүүдээ хүлээн авч, 10 хоногийн хугацаанд өдрийн дэглэмийн дагуу хөгжлийн бэрхшээлтэй хүүхдүүдийн амралтыг зохион байгуулах ажлыг эхлүүлсэн юм.
Өнгөрсөн хоёр жилийн хугацаанд 200 орчим хөгжлийн бэрхшээлтэй хүүхэд, эцэг эхчүүдийг хамруулж байсан бол энэ жил дөрвөн ээлжээр нийт 100 хүүхдийг эцэг эхийн хамтаар тус цэцэрлэгт сувилахаар төлөвлөжээ. Тус цэцэрлэгт аутизм, тархины саажилт, хэл яриа, сонсголын бэрхшээлтэй хүүхдүүдийн хөдөлгөөн засал, хэл засал, хөдөлмөр засал, чийрэгжүүлэлт болон аялал зугаалга хөтөлбөрүүдийг амрах хугацаанд хэрэгжүүлдэг байна.
Монгол Улсын Боловсролын тухай хуульд тусгай хэрэгцээт хүүхдүүдийг цэцэрлэг, ерөнхий боловсролын сургуульд тэгш хамруулна гэж заасан байдаг. Зулзагын голын нарсан ойн цэвэр агаарт байрлах энэ зуны цэцэрлэг нь Дархан аймгийн төдийгүй, Сэлэнгэ, Булган, Улаанбаатар зэрэг бусад аймгийн хүүхдүүдийн тоог нэмэгдүүлсэн ажээ.
Ийм сайхан санаачилга хэрэгтэй байсан шүү. Хүүхдүүд баярлаж байгаа байх даа!
Онцгой хэрэгцээтэй хүүхдүүдийг ингэж анхаарч байгаад баярлалаа. Илүү олон ийм төсөл хэрэгтэй байна
Зүгээр л нэг зуслан биш, харин хайраар дүүрэн орчин байна гэж итгэж байна. Амжилт хүсье!