Улаанбаатар хотноо зохион байгуулагдаж буй сонгомол болон чөлөөт бөхийн дэлхийн чансааны оноо олгох “Улаанбаатар Опен” тэмцээний эхний өдөр сонгомол бөхийн долоон жингийн барилдаанууд боллоо. Монголын бөхчүүд тэмцээний эхний өдөр нэг мөнгө, хоёр хүрэл медаль хүртэж, амжилттай барилдлаа.
87 кг-ын жин:
- Ц.Батбаяр Энэтхэг, Туркийн бөхчүүдийг ялснаар шигшээ барилдаанд шалгарч, Киргизстаны Асан Курбанович Жанисовт ялагдан мөнгөн медаль хүртэв.
- Жанисов нь өсвөр болон залуучуудын Азийн аварга, мөн залуучуудын дэлхийн аварга цолтой бөх юм.
55 кг-ын жин:
- U23 ангиллын Азийн АШТ-ий хүрэл медальт М.Даваабанди тэмцээнд амжилттай оролцож, хүрэл медаль хүртжээ.
97 кг-ын жин:
- Азийн АШТ болон Азийн наадмын хүрэл медальт, ОУХМ Г.Ганхуяг мөн хүрэл медаль хүртсэн байна.
Ийнхүү Монголын сонгомол бөхийн багийн хувьд тэмцээний эхний өдөр өндөр чансааны өрсөлдөгчидтэй барилдаж, гурван медальтайгаар тэмцээнээ амжилттай эхлүүллээ.
