Дотооддоо бүтээсэн хорт хавдрын эсрэг анхны эмийг 2027 оны дунд үе гэхэд Казахстаны зах зээлд гаргахаар төлөвлөж байна. Энэ тухай Бүгд Найрамдах Казахстан Улсын Ерөнхийлөгчийн дэргэдэх Төв харилцаа холбооны албанд болсон хэвлэлийн бага хурлын үеэр тус улсын Шинжлэх ухаан, дээд боловсролын сайд Саясат Нурбек мэдэгдсэнийг “Kazinform” агентлаг уламжиллаа.
Түүний хэлснээр, эмийг боловсруулах ажил хойшилсон нь эмнэлзүйн туршилт явуулах хатуу шаардлагатай холбоотой аж. Өнөөдрийн байдлаар туршилтын эхний үе шат амжилттай дуусаад байгаа бөгөөд одоо эрдэмтэд хоёр дахь шатны туршилтыг эхлүүлж байгаа юм байна.
Сайд: «Ирэх оны дунд үе гэхэд бид боловсруулалтын ажлыг дуусгаж, уг эмийг зах зээлд үе шаттайгаар гаргаж эхлэхээр төлөвлөж байна» хэмээн мэдэгджээ.
Сануулахад, Казахстаны эрдэмтдийн боловсруулсан хорт хавдрын эсрэг анхны эм нь бүр 2024 онд туршилтын эхний хоёр үе шатыг амжилттай давж байсан юм. Тухайн үед эрдэмтэд уг төслийг 2-3 жилийн хугацаанд бүрэн дуусгахаар төлөвлөж байжээ.
