Microsoft компани техник туслалцааны сайтдаа байрлуулсан мэдэгдэлдээ, Skype платформын үйл ажиллагааг 5-р сарын 5-наас албан ёсоор зогсоох болсныг мэдэгдэв. Хэрэглэгчид энэ хугацаа хүртэл Skype ашиглах боломжтой хэвээр байх аж.
Хэрэглэгчдийн бүртгэл Microsoft Teams руу шилжинэ
Өмнө нь тус компани 5-р сараас эхлэн Skype-ийн дэмжлэгийг зогсоож, хэрэглэгчдийн бүртгэлийг Microsoft Teams руу шилжүүлэхээ зарласан юм.
“Та Skype-г 5-р сарын 5 хүртэл ашиглаж болно” гэж компанийн мэдэгдэлд дурджээ.
Skype-ийн богино бөгөөд түүхэн замнал
- 2003 он — Skype платформ анх нээгдсэн.
- 2011 он — Microsoft компаний эзэмшилд орсон.
- 2025 оны 3-р сар — Сүүлийн шинэчлэлт хийгдсэн.
Skype олон жил дэлхий дахинд видео дуудлага, мессежийн гол хэрэгсэл болж байсан ч технологийн хөгжлийн хурдтай зэрэгцэн өрсөлдөгч платформуудад байр сууриа алдаж эхэлсэн билээ.
