2025 оны байдлаар Гаалийн байгууллага эм, био бэлдмэл болон биологийн идэвхт бүтээгдэхүүний хил нэвтрэх хөдөлгөөнд хийсэн хяналтын явцад нийт 321 удаагийн хууль бус үйлдлийг таслан зогсоосон байна. Эдгээр зөрчилд холбогдсон 9 хуулийн этгээд болон 312 иргэнд Зөрчлийн тухай хуульд заасны дагуу зохих шийтгэлийг ногдуулж, хариуцлага тооцжээ.
Сүүлийн үед бүртгэлгүй эм бэлдмэлийг зориулалтын бус техникээр тээвэрлэх, эмийн түүхий эдийг нуун дарагдуулж хил нэвтрүүлэх оролдлого эрс нэмэгдэх хандлагатай байгааг гаалийн байцаагчид анхааруулж байна.
Эм, эмнэлгийн хэрэгсэл нэвтрүүлэх зөвшөөрөгдсөн боомтууд:
- “Чингис хаан” олон улсын нисэх буудал;
- Сэлэнгэ аймгийн Сүхбаатар болон Алтанбулаг боомт;
- Дорноговь аймгийн Замын-Үүд болон Ханги боомт;
- Өмнөговь аймгийн Гашуунсухайт боомт.
Засгийн газрын тусгай тогтоолын дагуу дээрх нэр бүхий боомтуудаас бусад цэгээр эмнэлгийн хэрэгсэл, биологийн идэвхт бүтээгдэхүүн нэвтрүүлэх нь хууль бус бөгөөд эрүүл мэндийн стандарт алдагдах эрсдэлтэй юм. Иргэд болон аж ахуйн нэгжүүд зөвхөн баталгаат замаар, зохих зөвшөөрөлтэй эм бэлдмэл нэвтрүүлэхийг Гаалийн ерөнхий газраас зөвлөж байна.
