Боловсролын сайд Л.Энх-Амгалан сургууль, цэцэрлэгүүдийг нэгдсэн зохион байгуулалтаар аялал, зугаалга хийхгүй байх чиглэл өгснийг цахим хуудсаараа мэдээлжээ.
Тэрбээр 2026 оны аравдугаар сарын байдлаар хүрэн баавгай суурьшлын бүсэд ойртож үзэгдэх тохиолдол эрс нэмэгдсэнтэй холбоотойгоор уг арга хэмжээг авч байгааг тайлбарласан байна.
12 аймагт 240 гаруй тохиолдол бүртгэгджээ
Л.Энх-Амгалангийн мэдээлснээр, сүүлийн нэг сарын хугацаанд 12 аймагт хүрэн баавгай суурьшлын бүсэд ойртсон 240 гаруй тохиолдол бүртгэгджээ.
Эрсдэлийн нөхцөл бүртгэгдсэн аймгуудад 24 цагаар дуудлага, мэдээлэл хүлээн авч, шуурхай баг ажиллуулах чиглэл өгсөн байна. Үүнд:
- Булган
- Хэнтий
- Сэлэнгэ
- Хөвсгөл
- Дорнод
- Увс
- Архангай
- Дархан-Уул
- Завхан
- Төв
аймгууд багтжээ.
Хүүхдүүдийг ой, уулын бүсэд ганцааранг нь явуулахгүй байхыг зөвлөв
Сургууль, цэцэрлэгүүд намрын аялал, зугаалгыг нэгдсэн зохион байгуулалтаар хийхгүй байх, хүүхдүүдийг ой, уулын бүсэд ганцааранг нь явуулахгүй байхыг зөвлөсөн байна. Мөн баавгай ажиглагдсан, эрсдэлтэй бүсэд хүүхдүүдийг салхинд гаргахгүй байх шаардлагатайг Боловсролын сайд онцолжээ.
