Их Британид үхлийн элчийн хувцас өмсөж, хадууртайгаар эмнэлгийн дээвэр дээр гарсан 26 настай Леон Гиллеспид шүүх торгууль ногдуулжээ. Mirror-ийн мэдээлснээр, түүний үйлдэл өвчтөнүүд, зочид болон эмнэлгийн ажилтнуудыг айлгасан байна.
Эмнэлгийн дээвэр дээрээс хүмүүсийг ажиглаж байжээ
Бүхэлдээ хар хувцасласан, урт гоёлын иртэй зэвсэг барьсан эр эмнэлгийн барилгын дээвэр дээр гарч, хэсэг хугацаанд дээрээс хүмүүсийг ажиглаж байжээ. Үүний дараа газар дээр нь цагдаагийн дөрвөн машин болон гал сөнөөгчид ирсэн байна.
Эцэст нь Гиллеспиг дээврээс аюулгүй буулгаж чаджээ. Гэвч тэр яагаад ийм үйлдэл хийснээ тайлбарлаагүй байна.
Шүүх 200 фунтын торгууль ногдуулав
Шүүх дээр Гиллеспи Их Британийн Үндэсний эрүүл мэндийн албаны нутаг дэвсгэрт хүндэтгэх шалтгаангүйгээр үймээн, түгшүүр үүсгэсэн гэдгээ хүлээн зөвшөөрчээ. Магистратын шүүх түүнд 200 фунт стерлингийн торгууль оноосон байна.
Мөн өмнө нь тэр дэлгүүрээс хоёр удаа хулгай хийсэн нь тогтоогджээ. Тодруулбал, муурын хоол, элс болон супермаркетаас хүнсний бүтээгдэхүүн, ундаа хулгайлсан байна. Эдгээр хэрэгт нь мөн торгууль оноож, шүүхийн зардал болон нөхөн төлбөр төлүүлэхээр болжээ.
