18 дахь удаагийн “Улаанбаатар” олон улсын кино наадам 2026 оны аравдугаар сарын 16-22-нд нийслэлд зохион байгуулагдана.
Тус наадам нь дэлхийн кино урлагийн онцлох бүтээлүүдийг Монголын үзэгчдэд хүргэх, дотоодын кино уран бүтээлчдийг дэмжих, салбарын хөгжлийг тэтгэхийн зэрэгцээ Улаанбаатар хотыг бүтээлч байдлаар сурталчлах зорилготой юм.
Нийт 18 кино үзэгчдийн хүртээл болно
Энэ жилийн наадмын хүрээнд Тэнгис кино театрт нийт 18 кино толилуулахаар төлөвлөжээ. Хөтөлбөрт:
- Нээлтийн ёслол, нээлтийн үзвэр
- Олон улсын болон Монгол киноны үзвэр
- Баримтат киноны хөтөлбөр
- “Үзэхийн хязгаар” тусгай хэсэг
- Кино уран бүтээлчдийн уулзалт, хэлэлцүүлэг
- “Киноны нүүдэл” олон улсын кино хөгжүүлэлтийн хөтөлбөр
- “Хангарди” шагнал гардуулах ёслол багтаж байна.
“Фиорд” киногоор наадмыг нээнэ
Наадмын Уран сайхны зөвлөлөөс нээлтийн киногоор найруулагч Кристиан Мунжиугийн “Фиорд” бүтээлийг сонгожээ.
Эх сурвалжид тус киног 2026 оны Каннын кино наадмын “Алтан далдуу мод” шагналт бүтээл гэж танилцуулсан бөгөөд Skywing болон Тэнгис кино театрт үзүүлэхээр төлөвлөсөн байна.
