Монголын зохиолчдын эвлэлийн шагналт, хүүхдийн зохиолч Г.Цэдэвдорж агсны нэрэмжит “Мөнгөн морь” хүүхдийн яруу найргийн наадмыг улсын хэмжээнд зарлажээ.
Тус наадамд 21 аймаг, нийслэлийн есөн дүүргийн 12-17 насны, шүлэг яруу найраг сонирхдог хүүхдүүд оролцох боломжтой бөгөөд нийт шагналын сан нь 5.5 сая төгрөг байна.
Бүтээлийг аравдугаар сарын 25 хүртэл хүлээн авна
Оролцогч хүүхдүүд өөрийн зохиосон нэг шүлгээ 2026 оны аравдугаар сарын 25-ны 18:00 цаг хүртэл horjoontoizam@gmail.com цахим шуудангаар илгээх шаардлагатай. Бүтээлтэйгээ хамт дараах мэдээллийг хавсаргана:
- Аймаг, сумын нэр
- Сургууль, ангийн мэдээлэл
- Оролцогчийн холбоо барих утас
- Эцэг эх, асран хамгаалагч эсвэл багшийн утасны дугаар
Наадмын хоёрдугаар шатанд шалгарсан 25 хүүхдийн нэрийг 2026 оны аравдугаар сарын 28-нд зарлах юм. Шалгарсан оролцогчид эцэг эх, асран хамгаалагч эсвэл багшийнхаа хамт ирэх шаардлагатайг зохион байгуулагчид мэдээлжээ.
