Өмнөд Солонгосын “Bigbang” хамтлагийн ахлагч, дуучин, продюсер G-Dragon буюу Квон Жи Ён “McDonald’s”-тай хамтран хэрэгжүүлж буй сурталчилгааны кампанит ажлаараа Хятадын зах зээлд олны анхаарлыг татаж байна.
Түүний дүр төрхийг Бээжин, Шанхай, Гуанжоу зэрэг томоохон хотуудын сурталчилгааны самбаруудад байршуулж, хамтын ажиллагааг өргөн хүрээнд сурталчилжээ.
“Peaceminusone” брэнд хамтран оролцжээ
Кампанит ажилд G-Dragon-ы “Peaceminusone” брэнд мөн оролцож, малгай, цүнх, зүү тэмдэг зэрэг бүтээгдэхүүн танилцуулсан байна.
Хэвлэлүүдийн мэдээлснээр, эдгээр бүтээгдэхүүн Өмнөд Солонгост эрэлт ихтэй болж, зарим нь дамлан худалдах зах зээлд анхны үнээсээ хэд дахин өндөр үнээр зарагдаж байгаа аж.
Хятадад өрнөж буй энэхүү сурталчилгааны ажил нь G-Dragon-ы зөвхөн хөгжмийн бус, загварын салбар дахь нөлөө болон Солонгосын поп соёлын олон улсын хүрээг дахин тодотгож байна.
