Сэлэнгэ аймгийн Сүхбаатар хотод зохион байгуулагдсан Монгол Улсын Даян аварга Б.Орхонбаяр, Улсын начин Х.Наранбаатар нарын нэрэмжит “Талархал хүндэтгэл” баяр наадмын хүчит бөхийн барилдаан өндөрлөлөө. Тус барилдаанд улс, аймгийн алдар цолтой бөхчүүд зодоглосноос Өвөрхангай аймгийн Төгрөг сумын харьяат Улсын арслан Ц.Бямба-Отгон түрүүлж, тугийн сүлдийг тойрлоо.
Барилдааны дээд шатны цолтнууд:
- Түрүү: Улсын арслан Ц.Бямба-Отгон (Өвөрхангай, Төгрөг)
- Үзүүр: Улсын харцага Г.Ганхуяг (Ховд, Булган)
- Шөвгийн 4: Улсын заан Н.Жаргалбаяр, Улсын заан С.Сүхбат
Сэлэнгэ нутгийн зон олон болон наадамчдыг хуран цуглуулсан энэхүү хүндэтгэлийн барилдааны үзүүр бөхөөр Ховд аймгийн Булган сумын харьяат Улсын харцага Г.Ганхуяг шалгарсан бол их шатанд Улсын заан Н.Жаргалбаяр, С.Сүхбат нар үлдэж, уран барилдаанаар үзэгчдийг баясгалаа.
