Хил хамгаалах байгууллагаас 2026 оны хоёрдугаар сард тохиох Сар шинийн баяр болон бусад тэмдэглэлт өдрүүдэд хилийн боомтуудын ажиллах болон түр хаах хуваарийг мэдээллээ.
Нэг. Агаарын замын боомт
- Чингис хаан: Олон улсын нислэгийн цагийн хуваарийн дагуу хэвийн ажиллана.
Хоёр. Монгол, Оросын хилийн боомтууд
- Алтанбулаг: Өдөр бүр 24 цагаар хэвийн ажиллана.
- Сүхбаатар, Эрээнцав (Төмөр зам): Олон улсын галт тэрэгний цагийн хуваарийн дагуу ажиллана.
- Эрээнцав (Авто зам): Цагийн хуваарийн дагуу ажиллана.
- Арцсуурь, Боршоо, Тэс, Ханх, Ульхан: Сар шинийн баяраар (2026.02.18, 19, 20) болон ОХУ-ын Эх орончдын өдөр (2026.02.23)-өөр түр хаана.
- Цагааннуур: Зөвхөн Сар шинийн баярын өдрүүдэд буюу хоёрдугаар сарын 18, 19, 20-нд түр хаана.
Гурав. Монгол, Хятадын хилийн боомтууд
- Замын-Үүд (Төмөр зам): Олон улсын галт тэрэгний цагийн хуваарийн дагуу ажиллана.
- Замын-Үүд, Булган, Бургастай, Шивээхүрэн, Гашуунсухайт, Ханги, Бичигт, Баянхошуу, Сүмбэр, Хавирга (Авто зам): Сар шинийн баярын өдрүүдэд (2026.02.18, 19, 20) болон БНХАУ-ын Хаврын баярын өдрүүдэд (2026.02.17, 18, 19) түр хаахаар Талууд дипломат шугамаар харилцан тохиролцсон байна.
