2026 оны хаврын улирлын Counter-Strike 2 (CS2) төрлийн хамгийн том тэмцээнүүдийн нэг болох BLAST Open Rotterdam-д өрсөлдөх 16 баг тодорлоо. Эдгээр шилдэг багуудын дунд Монгол Улсын бахархал болсон The Mongolz баг багтаж, дэлхийн шилдэгүүдтэй өрсөлдөх албан ёсны урилгаа хүлээн авсан байна. Тэмцээн 2026 оны 3-р сарын 18-наас 29-ний хооронд зохион байгуулагдах бөгөөд нийт 1,100,000 ам.долларын шагналын сантай юм.
Энэхүү тэмцээн нь BLAST-аас Нидерланд улсад зохион байгуулж буй анхны томоохон хэмжээний арга хэмжээ гэдгээрээ онцлогтой. Тэмцээний хэсгийн шатны тоглолтууд студийн форматаар эхлэх бол шийдвэрлэх хасагдах шатны тулаанууд Роттердам хотын алдарт Ahoy Arena-д үзэгчдээр дүүрэн их тайзан дээр явагдана. Шагналын сангийн тодорхой хэсэг нь багуудын амжилтаас хамааран шууд олгогдох бол үлдсэн хэсэг нь клубуудын нэгдсэн санд хуваарилагдах ажээ.
Тэмцээнд оролцох 16 багийг Valve-ийн албан ёсны чансаан дээр үндэслэн урьсан бөгөөд цөөн хэдэн эрхийг сонгон шалгаруулах тоглолтоор олгосон байна. The Mongolz багийн хувьд энэхүү тэмцээн нь дэлхийн чансаагаа ахиулах, ур чадвараа батлан харуулах асар том боломж юм. Тэд 1xBet-ийн дэмжлэгтэйгээр энэхүү хариуцлагатай тэмцээнд оролцож, “Монгол хүч”-ийг дэлхийн тавцанд дахин тамгалахаар зорьж байна.
