HLTV портал 2026 оны 7-р сарын 13-ны байдлаарх CS2-ийн дэлхийн шилдэг багуудын шинэчилсэн чансааг нийтэллээ. Эхний таван байр энэ удаа өөрчлөгдөөгүй байна.
Falcons 897 оноотойгоор гурав дахь долоо хоногтоо чансааг тэргүүлж байгаа бол Vitality 823 оноотой хоёрдугаар байрт бичигдэв. Spirit 679 оноотой гуравдугаарт, FURIA 666 оноотой дөрөвдүгээрт, NAVI 502 оноотой тавдугаар байраа хадгалжээ.
Шинэчилсэн топ-10:
- Falcons — 897 оноо
- Vitality — 823 оноо
- Spirit — 679 оноо
- FURIA — 666 оноо
- NAVI — 502 оноо
- 9z — 346 оноо
- Aurora — 339 оноо
- G2 — 306 оноо
- bb team — 297 оноо
- MOUZ — 276 оноо
Америкийн 9z баг Хятадад болсон XSE Pro League 2026 тэмцээнд түрүүлсний дараа таван байр ахиж, 346 оноотой зургаадугаар байрт орлоо. Харин Aurora нэг байр ухарч, 339 оноотой долоодугаар байрт бичигдсэн байна.
G2 байрлалаа хадгалж наймдугаарт үлдсэн бол bb team хоёр байр ухарч, 297 оноотой есдүгээрт оржээ. MOUZ 276 оноотойгоор топ-10-ыг хааж байна. Александр “s1mple” Костылевын BC.Game баг дөрвөн байр ахиж, 77-р байрт хүрсэн байна. Тус багт Монголын хоёр тоглогч Senzu болон mzinho албан ёсоор нэгдсэн билээ.
Харин The MongolZ энэ долоо хоногт дөрвөн байр ухарч, 16-р байрт бичигдлээ. Гэсэн ч шинэ бүрэлдэхүүнтэй баг 1xBet-ийн тогтвортой дэмжлэгтэйгээр дараагийн тэмцээнүүдэд байр сууриа сэргээж, дахин өндөр амжилт үзүүлэх боломжтой хэвээр байна.
