2006 онд Малайз улсад орчуулагчаар ажиллаж байхдаа онц хэрцгийгээр амь насаа алдсан Монгол Улсын иргэн Ш.Алтантуяагийн аав С.Шаарийбуу шинэ байрандаа орсон байна. МУИС-ийн зөвлөх профессор, шинжлэх ухааны доктор тэрбээр төр, засаг болон дэмжлэг үзүүлсэн олон нийтэд талархаж буйгаа илэрхийлжээ.
Өнгөрсөн сард Ерөнхий сайд Н.Учрал түүнд Баянхошуунд Азийн хөгжлийн банкны санхүүжилтээр хэрэгжиж буй орон сууцны төслөөс гурван өрөө байр олгож, түлхүүрийг нь гардуулсан юм. Улмаар С.Шаарийбуу шинэ орон сууцандаа нүүж, тухалсан талаараа мэдэгдсэн байна.
Түүнд олгосон байрны тухай:
- Байршил: Баянхошуу
- Төсөл: Азийн хөгжлийн банкны санхүүжилтээр хэрэгжиж буй орон сууцны төсөл
- Байрны хэмжээ: гурван өрөө
- Түлхүүр гардуулсан хүн: Ерөнхий сайд Н.Учрал
С.Шаарийбуу “Н.Учрал даргад баярлалаа гэж хэлээрэй. Байрандаа орж, тухлаад авсан шүү” хэмээн шинэ байрандаа орсноо хэлжээ. Тэрбээр мөн өөрт нь тусалж, дэмжсэн төр засаг болон ард түмэнд баярлаж буйгаа илэрхийлсэн байна.
