Үндэсний их баяр наадмын хүрээнд зохион байгуулагдах “Дээлтэй Монгол-2026” наадмын тов албан ёсоор гарчээ. Энэ жилийн баяр наадмын хөтөлбөрт Тулгар төрийн 2235, Их Монгол Улсын 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105, Ардын хувьсгалын 36 жилийн ойг тэмдэглэх үйл ажиллагаанууд багтсан байна.
20 дах удаагаа зохион байгуулагдах “Дээлтэй Монгол-2026” наадам энэ сарын 9-ний өдөр болно. Монгол үндэсний хувцас, өв соёлыг олон нийтэд сурталчлах уг наадамд иргэд, байгууллага, Монгол туургатны төлөөлөл оролцох юм.
Наадмын эхэнд Монгол үндэсний хувцастай иргэдийн баярын жагсаал болно. Жагсаалд Монгол туургатны төлөөлөл, аймаг, нийслэл, дүүргийн иргэд, аж ахуй нэгж байгууллагын албан хаагчид хамгийн сайхан дээл хувцсаараа гоён оролцоно.
Наадмын үеэр дараах номинацуудыг шалгаруулна:
- Шилдэг дүүрэг
- Шилдэг аж ахуйн нэгж байгууллага
- Шилдэг дээл урлаач
- Хамгийн сайхан дээлтэй гэр бүл
- Хамгийн сайхан дээлтэй оролцогч /эрэгтэй, эмэгтэй/
- Монгол үндэсний хувцастай гадаадын шилдэг оролцогч /эрэгтэй, эмэгтэй/
- Хамгийн сайхан дээлтэй хүүхэд /эрэгтэй, эмэгтэй/
Мөн үндэсний хувцасны загварын үзүүлбэр, үндэсний тоглоом, наадгай, дээл, хувцас урлаачдын үзэсгэлэн худалдаа зохион байгуулагдана. Үдэш нь хүүхэд, залуучуудад зориулсан “Дээлтэй диско” болон орчин үеийн хамтлаг, дуучдын тоглолт болохоор төлөвлөжээ.
