Америкийн алдартай жүжигчин Уилл Смитийн эхнэр Жада Пинкетт-Смит нөхөр рүүгээ буцаж ирсэн байна.
Бүр 2023 онд жүжигчний гэргий тэднийг найман жилийн турш романтик харилцаагүй байж, тусдаа амьдарсан гэх мэдээгээр олныг гайхшруулж байсан билээ. Тэгсэн хэдий ч Жада Уилл Смиттэй харилцаагаа сэргээж, эвлэрч чадна гэсэн найдвараа алдаагүй байсан бөгөөд энэ нь биеллээ олсон бололтой.
People сэтгүүлийн дотоод эх сурвалж Жада Пинкетт-Смитийг жүжигчин рүү буцаж очсоныг илчилжээ. Түүнчлэн энэ явдал бүр хоёр жилийн өмнө болсон гэнэ. Эх сурвалжийн мэдээлснээр, хосууд бие биедээ хайртай хэвээр бөгөөд эргэн нийлсэндээ баяртай байгаа аж.
“Жада хоёр жилийн өмнө Уилл рүү буцаж очсон. Тэд аз жаргалтай байгаа бөгөөд бие биедээ хайртай, үргэлж бие биенээ дэмжихэд бэлэн хэвээр байна” гэж эх сурвалж баталжээ.
Уилл Смит, Жада Пинкетт-Смит нар 1997 оны 12-р сард гэрлэсэн юм. Хосууд Жэйден хэмээх хүү, Уиллоу хэмээх охинтой. Сүүлийн жилүүдэд тэд харилцааныхаа талаарх илэн далангүй мэдэгдлүүдээрээ гайхшруулж байв. 2020 онд Жада залуу дуучин Август Алсинатай 4.5 жилийн турш романтик харилцаатай байснаа зарласан. Харин 2023 онд тэрээр 2016 оноос хойш жүжигчинтэй хамт байгаагүй ч эвлэрнэ гэж найдаж байгаагаа хэлж байжээ. Үнэхээр ч тийм зүйл болсон бололтой.
