Холливудын алдартай жүжигчид болох Анджелина Жоли, Брэд Питт нарын охин шинэ овгоор коллежоо төгссөн байна. Өдгөө 21 настай Захараг Анджелина Жоли 2005 онд анх үрчлэн авч, улмаар Брэд Питт хамтран асран хамгаалагчаар бүртгүүлж байсан түүхтэй. Тэрбээр АНУ-ын Атланта хотын “Спелман” коллежийг энэ жил амжилттай дүүргэж, сэтгэл судлалын чиглэлээр бакалаврын зэрэг хамгаалсан талаар “TMZ” агентлаг мэдээллээ.
Төгсөлтийн баярын албан ёсны арга хэмжээнд жүжигчин Анджелина Жоли хүрэлцэн ирж, охиноо халуун дулаанаар дэмжсэн бол Брэд Питт уригдсан зочдын дунд байсангүй. Энэхүү үйл явдлын үеэр Захара эцгээсээ бүрмөсөн харилцаагаа тасалсан гэдгээ дараах байдлаар батлан харуулжээ:
- Овгоо өөрчилсөн нь: Тэрбээр урьд нь “Жоли-Питт” гэсэн хоёр талтай овогтой байсан ч төгсөлтийн баярын хүндэтгэлийн индэр дээр түүнийг зөвхөн Захара Жоли хэмээн зарлаж, албан ёсоор танилцуулсан байна.
- Гэр бүлийн харилцаа: Түүний эцэг эх болох Анджелина Жоли, Брэд Питт нар 2016 оноос хойш харилцаагаа тасалсан бөгөөд тэдний дунд гурван төрсөн, гурван өргөмөл нийт зургаан хүүхэд байдаг.
- Эцгээсээ нүүр буруулсан нь: Жүжигчдийг салснаас хойш хүүхдүүд нь алдарт эцгээсээ зайлсхийж, харилцахаас татгалзаж, улмаар түүний овгийг албан ёсоор хэрэглэхээс татгалзах болжээ.
