Дэлхийн эрчим хүчний томоохон тоглогч ОХУ-д хөрш зэргэлдээ Казахстан улсаас шатахууны тусламж үзүүлэхээр тохиролцсон тухай шуугиантай мэдээлэл цацагдлаа. Олон улсын “Reuters” агентлагийн дотоод эх сурвалжаас иш татан мэдээлснээр, Астанагийн эрх баригчид Москвад хүмүүнлэгийн тусламжийн хүрээнд нийт 50,000 тонн бензин илгээхээр болсон байна.
Уг тусламжийн хүрээнд хоёр орны тохиролцсон гол деталуудыг багцалбал:
- Шатахууны төрөл: ОХУ-д хамгийн эрэлттэй байдаг Аи-92 болон Аи-95 маркийн бензинийг илгээнэ.
- Үйлдвэрлэгчид: Шатахууны нөөцийг Павлодарын нефть-химийн үйлдвэр болон “Конденсат” боловсруулах үйлдвэрээс гаргахаар төлөвлөж байна.
- Одоогийн статус: Талууд нийлүүлэлт хийх зарчмын хувьд нэгэнт зөвшөөрөлцөж, албан ёсны шийдвэрээ баталгаажуулжээ.
Додоод зах зээлийн эрсдэл ба Шинжээчдийн байр суурь
Энэхүү шийдвэр нь эдийн засагчдын дунд багагүй гайхшрал, болгоомжлолыг дагуулж байна. Шинжээчдийн үзэж буйгаар 50,000 тонн шатахуун нь Оросын аварга том зах зээлийн хувьд далайд дусах дусал мэт өчүүхэн хэмжээ бөгөөд тэдний хомсдолыг бүрэн шийдэж чадахгүй.
Харин эсрэгээрээ, Казахстаны дотоодын зах зээлээс ийм хэмжээний шатахууныг гэнэт татан авах нь тус улсын шатахуун түгээх станцуудад хомсдол үүсгэх, үнэ нэмэгдэх зэрэг сөрөг үр дагавруудыг дагуулж болзошгүйг “Reuters” онцолжээ. Гэсэн хэдий ч улс төрийн шийдвэр нэгэнт гарсан тул ойрын хугацаанд шатахууны тээвэрлэлт эхлэх төлөвтэй байна.
