2026 оны нэгдүгээр улирлын байдлаар Франц улсын ажилгүйдлийн түвшин 8.1 хувьд хүрч өссөн нь 2021 оноос хойших хамгийн таагүй үзүүлэлт боллоо.
Энэ тухай тавдугаар сарын 13-ны өдөр Францын Статистик, эдийн засгийн судалгааны үндэсний хүрээлэн (INSEE)-гийн тайлангаас иш татан “Reuters” агентлаг мэдээлэв.
INSEE-гийн тоо баримтаас үзвэл, ажилгүй иргэдийн тоо өмнөх улиралтай харьцуулахад 68 мянгаар нэмэгдэж, нийт 2.6 сая хүрсэн байна. Францын Төв банкны ерөнхийлөгч Франсуа Вильруа де Гало эдгээр үзүүлэлтийг “сэтгэл гонсойлгом” үр дүн болохыг хүлээн зөвшөөрлөө.
“8 орчим хувь гэдэг нь тийм ч урам зориг өгөх мэдээ биш байна” хэмээн Вильруа де Гало тэмдэглээд, хэдий тийм боловч 2010 оноос хойш Франц улсад 4 сая орчим ажлын байр шинээр бий болсныг сануулсан байна.
