Мянганы сорилтын сангийн санхүүжилтээр хэрэгжиж буй “Хаягдал ус дахин боловсруулах төсөл”-ийн хүрээнд “ДЦС-3”, “ДЦС-4” ТӨХК руу ус дамжуулах шугам угсрах ажил эхэлж буйтай холбогдуулан Яармагийн гүүрийг Ажилчдын гудамжтай холбосон авто замыг дөрөвдүгээр сарын 11-ний 06:00 цагаас 14-ний 06:00 цаг хүртэл түр хаахаар болжээ.
Түр хаах зам, хөдөлгөөний зохицуулалт
- Хаагдах хэсэг: “ДЦС-3” ТӨХК-ийн баруун талаас Яармагийн гүүрийг Ажилчдын гудамжтай холбосон ойролцоогоор 500 метр урттай авто зам.
- Зорчих чиглэл:
- Урдаас хойш чиглэл (Яармаг → Ажилчдын гудамж): НЭЭЛТТЭЙ
- Хойноос урагш чиглэл (Ажилчдын гудамж → Яармаг): ХААЛТТАЙ
- Энэ чиглэлээр зорчих хөдөлгөөнийг “ДЦС-3” ТӨХК-ийн баруун хойд талын буцах уулзвараар дамжин, үйлдвэрийн хойд болон зүүн талын замаар тойруулан зохицуулах юм.
Төслийн ач холбогдол
“Бат Мөнх Сүлд” ХХК-ийн захирал Б.Батмөнх төслийн талаар хэлэхдээ:
- Шинэ төв цэвэрлэх байгууламжийн дэргэд хаягдал ус дахин боловсруулах үйлдвэр байгуулна.
- Тус үйлдвэрээс гарсан дахин боловсруулсан усыг “ДЦС-3”, “ДЦС-4” руу шугамаар дамжуулж, техникийн зориулалтаар ашиглуулна.
- Үүний үр дүнд:
- Жилд 18 сая м³ гүний цэвэр усны хэрэглээг бууруулах
- Дөргөн нуурын устай дүйцэхүйц хэмжээний усны хэрэглээг нөхөх
- Улаанбаатар хотын усны нөөцийг хамгаалж, хойч үедээ үлдээх боломж бүрдэх юм.
