АНУ-ын United Airlines компани Токио болон Улаанбаатар хотуудын хооронд анхны нислэгээ эхлүүлж, Нарита олон улсын нисэх онгоцны буудалд нээлтийн ёслол боллоо.
Эдийн засаг, аялал жуулчлалд шинэ боломжууд нээгдэв
Нээлтийн үйл ажиллагааны үеэр Япон дахь Монгол Улсын Онц бөгөөд Бүрэн эрхт Элчин сайд Б.Баярсайхан хэлэхдээ:
“Энэ шинэ шууд нислэг нь зөвхөн Монгол ба Японы төдийгүй Монгол ба АНУ-ын эдийн засгийн хамтын ажиллагаанд чухал нөлөө үзүүлнэ” хэмээн онцлон тэмдэглэв.
Тэрээр Монгол Улсын Засгийн газраас хэрэгжүүлж буй “Алсын хараа-2050” урт хугацааны хөгжлийн бодлогод аялал жуулчлалын салбарыг онцгойлон анхаарч буйг дурдлаа. Япон улс нь энэ бодлогыг хэрэгжүүлэхэд чухал зах зээл бөгөөд шинээр эхлүүлсэн “Go Mongolia” аян нь гадаадын жуулчдыг татахад хувь нэмэр оруулж байгааг нэмж хэлэв.
Шууд нислэг: долоо хоногт гурван удаа
Тус шууд нислэгийг долоо хоногт гурван удаа үйлдэх бөгөөд энэ нь Монгол, Япон, АНУ-ын хоорондын агаарын тээврийн харилцааг мэдэгдэхүйц сайжруулж, зорчигчдод аялах шинэ боломжуудыг нээж, бизнес, аялал жуулчлал, соёлын харилцааг бэхжүүлэх болно.
Ёслолд оролцсон хүндэт зочид
Нээлтийн ёслолд дараах төлөөлөгчид оролцов:
- Монгол Улсаас Япон улсад суугаа Элчин сайд Б.Баярсайхан
- АНУ-д суугаа Монгол Улсын Элчин сайд У.Батбаяр
- АНУ-ын Элчин сайдын яамны эдийн засаг, шинжлэх ухааны зөвлөх Эван Т. Фельсинг
- Японы Газар, дэд бүтэц, тээвэр, аялал жуулчлалын яамны Нарита олон улсын нисэх буудлын захирал К. Гото
- “Нарита олон улсын нисэх буудал” корпорацийн ерөнхийлөгч А. Тамура
Гайхалтай мэдээ! Шууд нислэг нь аялахад илүү тохиромжтой
Энэ нь аялал жуулчлалыг хөгжүүлэх, улс орнуудын харилцаа холбоог нэмэгдүүлэхэд сайн алхам боллоо