“Улаанбаатар марафон 2025” олон улсын гүйлтийн тэмцээн 2025 оны 5-р сарын 24-ний Бямба гарагт зохион байгуулагдахтай холбогдуулан нийслэлийн төв болон томоохон замуудыг 06:00-18:00 цагийн хооронд хэсэгчлэн түр хаахаар болжээ. Үүнийг Тээврийн цагдаагийн албанаас иргэдэд анхааруулан мэдээллээ.
Түр хаагдах зам, уулзваруудын жагсаалт:
- Цэцэг төвийн уулзвар
- Зоос гоёлын уулзвар
- Сансарын имартын уулзвар
- Бөхийн өргөөний уулзвар
- Зүүн 4 замын уулзвар
- Нарантуул захын уулзвар
- Өгөөмөр захын нүхэн гарц
- Дүнжингаравын урд зам
- Улиастайн уулзвар
- Цэцэрлэгт хүрээлэнгийн дугуйн зам
- Маршалын гүүрний хойд уулзвар
- Хоум плаза орчмын замууд
- Гандигийн гудамж, Олимпийн гүүр
- Гадаад хэргийн яамны уулзвар
- Сүхбаатарын талбай орчим
Иргэд юунд анхаарах вэ?
- Энэ өдөр нийтийн тээврийн чиглэл өөрчлөгдөх, түгжрэл үүсэх магадлалтай тул аль болох хувийн автомашинаар зорчихгүй байх, бусад замыг сонгон хөдөлгөөнд оролцох шаардлагатайг албаныхан зөвлөж байна.
- Мөн зам хаах зохицуулалт нь зөвхөн марафонд оролцогчдын аюулгүй байдлыг хангах зорилготой гэдгийг онцоллоо.
Тэмцээнийг зохион байгуулагчид
“Улаанбаатар марафон 2025” арга хэмжээг Нийслэлийн Биеийн Тамир, Спортын газар зохион байгуулж байгаа бөгөөд гүйлтийн 10, 21, 42 км-ийн ангилалд олон улсын болон дотоодын гүйгчид өрсөлдөнө.
