ОХУ-ын Москва хотноо байрлах “Большой Москвич цирк”-т зохион байгуулагдсан “ИДОЛ” олон улсын циркийн жүжигчдийн фестивальд Монгол Улсыг төлөөлөн оролцсон уран бүтээлчид мөнгөн цомын эзэд боллоо.
Фестивалийн үеэр дэлхийн 20 гаруй орны 190 орчим циркчид оролцсон бөгөөд Монгол Улсаас Т.Номуунбаатар ахлагчтай Циркийн хөгжлийн төвийн уран бүтээлчид оролцож, ур чадвар, бэлтгэлийн өндөр түвшинг харуулан амжилт үзүүлсэн байна.
“ИДОЛ” фестиваль нь 2013 оноос эхлэн жил бүр зохион байгуулагддаг бөгөөд дэлхийн шилдэг циркчдийн онцлох үзүүлбэрүүдийг нэг дор төвлөрүүлдгээрээ алдартай.
Энэ жилийн наадамд “орчин үеийн цирк”, “акробат”, “шувуу”, “дрессура” зэрэг төрлийн шинэлэг, өвөрмөц үзүүлбэрүүд толилуулагдсанаараа онцлог байв.
