Голомт банкны нэрэмжит “Оюутны тэтгэлэгт хөтөлбөр”-ийн 2025 оны шилдэг 100 оюутныг тодруулж, тэдэнд сургалтын тэтгэлэг гардууллаа. Энэ жилийн хөтөлбөрт Монгол Улсын магадлан итгэмжлэгдсэн их, дээд сургуулиудын 3, 4-р дамжаанд суралцаж буй 1000 гаруй оюутан материал ирүүлснээс шилдэг 100-гаа сонгон шалгаруулсан байна.
Оюутнуудын боловсрол, хөгжилд бодит дэмжлэг үзүүлэх зорилгоор Голомт банк нийгмийн хариуцлагын хүрээнд “Оюутны тэтгэлэгт хөтөлбөр”-ийг бизнесийн салбараас анх санаачлан хэрэгжүүлж эхэлсэн. 2025 онд банкны 30 жилийн ой тохиож байгаа бөгөөд тус хөтөлбөр 21 дэх жилдээ тасралтгүй хэрэгжиж, өнөөдөр үндэсний хэмжээний өргөн цар хүрээтэй хөтөлбөр болж хөгжжээ.
Оюутнуудад олгож буй боломжууд
Тэтгэлэгт хамрагдсан оюутнууд Голомт академийн хүрээнд хувь хүний хөгжлийн болон мэргэжлийн сургалтад хамрагдаж, ментор болон коучингийн удирдлагатай ажиллах боломжтой. Үүнээс гадна 2024 оноос эхлэн тэд Голомт банканд бүтэн болон хагас цагаар ажиллах урилга авч, хөдөлмөр эрхлэлтийн бодит туршлага хуримтлуулж байгаа нь хөтөлбөрийн томоохон давуу тал болж байна.
Үр дүн ба нөлөө
Хөтөлбөр хэрэгжсэн 21 жилийн хугацаанд 2000 гаруй оюутан нийт 1.5 тэрбум төгрөгийн сургалтын тэтгэлэг хүртсэн бөгөөд энэ нь Монголын ирээдүйн залуу мэргэжилтнүүдийг бэлтгэхэд бодит хувь нэмэр оруулж буй томоохон дэмжлэг юм.
Маш сайхан санаачилга байна, залуусыг урамшуулж байгаа нь бахархалтай