Сүүлийн 10 жилийн хугацаанд Монгол Улсад гепатит А вирусийн эсрэг вакциныг нэвтрүүлснээр уг өвчний тохиолдол 25 дахин буурсан талаар эрүүл мэндийн байгууллагаас мэдээллээ.
Хүүхдийг заавал вакцинд хамруулах шаардлагатай
Хепатит А-ийн эсрэг дархлаажуулалтыг нэг нас хоёр сартай, мөн хоёр настай үед хоёр тунд хуваан заавал хийлгэх ёстой. Эдгээр тун нь хүүхдийг гепатит А вирусийн халдвараас найдвартай хамгаалах үр нөлөөтэй бөгөөд товлолын дагуу хийгддэг.
Вакцинд хамрагдсан эсэхээ хэрхэн шалгах вэ?
Хүүхэд тань вакцинд хамрагдсан эсэхийг дараах сувгаар шалгах боломжтой:
- Эх, хүүхдийн ягаан дэвтэр
- emongolia.mn цахим систем
- Өрхийн эрүүл мэндийн төвөөр дамжуулан лавлах
Товлол хоцорсон тохиолдолд нөхөн хийлгэх боломжтой
Хэрэв товлолын хугацаанд хамрагдаж амжаагүй бол 3 хүртэлх насны хүүхдэд нөхөн дархлаажуулалт хийх боломж нээлттэй. Иргэд харьяа сумын болон өрхийн эрүүл мэндийн төвдөө хандаж вакцин хийлгэх боломжтой юм.
