Цаг уурын байгууллагын мэдээллээр есдүгээр сарын 3–5-нд нутгийн баруун, төв, зүүн бүсийн аймгуудын нутагт бороо, уулархаг газарт нойтон цас орж, сэрүүсэх төлөвтэй байна. Мөн салхи ширүүсч, зарим нутгаар шуургатай байхыг анхаарууллаа.
Цаг агаарын урьдчилсан төлөв (9-р сарын 3–7)
- 3-нд:
- Баруун аймгуудын баруун болон хойд хэсэг
- Төвийн аймгуудын баруун тал
- Зүүн аймгуудын зүүн хэсгээр бороо, нойтон цас орно.
- 4-нд:
- Баруун болон төвийн аймгуудын ихэнх нутаг
- Говийн аймгуудын зарим газраар хур тунадас орно.
- 5-нд:
- Баруун, төвийн аймгуудын зарим хэсэг
- Говийн зүүн хэсэг
- Зүүн аймгуудын ихэнх нутгаар бороо, нойтон цастай.
- 6-нд:
- Төв, говийн аймгуудын зарим хэсэг
- Зүүн аймгуудын зүүн талд бороо, дуу цахилгаантай аадар, уулархаг газраар нойтон цас орно.
Салхи ба температур
- Салхи:
- 3, 6-нд Алтайн салбар уулс, говь, тал, хээрийн нутгаар
- 4-нд говь, тал, хээрийн нутгаар
- 5-нд говийн бүсийн нутгаар секундэд 14–16 метр хүрч ширүүснэ.
- Температур:
- 3-нд ихэнх нутгаар бага зэрэг дулаарах боловч
- 4-нд баруун хагас, 5–6-нд ихэнх нутгаар сэрүүснэ.
- Монгол-Алтай, Хангай, Хөвсгөлийн уулархаг нутаг, мөн голын хөндийд шөнөдөө -1…-6°С, өдөртөө +5…+10°С.
- Говийн бүсийн хойд хэсэг, Дорнод-Дарьгангын талд шөнөдөө +6…+11°С, өдөртөө +17…+22°С.
- Говийн өмнөд хэсгээр шөнөдөө +13…+18°С, өдөртөө +22…+27°С.
- Бусад нутгаар шөнөдөө 0…+5°С, өдөртөө +11…+16°С байна.
